LIGTAS TIGDAS
Ngayong buwan ng Hunyo 2026, magsasagawa ang Pamahalaang Lungsod ng San Juan ng Measles-Rubella Supplemental Immunization Activity nang sabay-sabay sa lahat ng 21 barangay para sa mga batang edad 6–59 buwang gulang (wala pang 5 taong gulang).
Ang pagpapabakuna ay proteksyon laban sa Tigdas at Tigdas-Hangin, na maaaring magdulot ng malubhang komplikasyon, pagka-ospital, at maging pagkamatay ng mga bata.
Ang ating mga Barangay Health Workers ay mag-iikot at kakatok sa mga tahanan upang hikayatin ang mga magulang na dalhin ang kanilang mga anak sa pinakamalapit na Health Center o Health Station para sa libreng pagbabakuna.