Sa pagtutulungan ng Pamahalaang Lungsod ng San Juan at ng Land Transportation Office (LTO) - San Juan District Office, ay ipagpapatuloy ang Palit Plaka Program para sa 1,000 na mga motorsiklo sa Oktubre 21, 2025 (Martes), mula 7:00 AM hanggang 4:00 PM, sa LTO San Juan District Office, Makabagong San Juan Plaza, N. Domingo St., Barangay Rivera, San Juan City.
Layunin ng programang ito na pabilisin at palawakin ang pamamahagi ng mga opisyal na plaka sa mga kwalipikadong motorsiklo.
Sino ang maaaring kumuha ng bagong plaka?
Lahat ng motorsiklong may MV File Number na nagsisimula sa “13” at “1801”, kabilang ang:
• Mga motorsiklo na nabigyan ng 7-character plate,
• Mga motorsiklo na may 6-character green plate, at
• Mga motorsiklo na hindi pa nabibigyan ng aktwal na plaka o patuloy na gumagamit ng MV file number bilang pansamantalang plaka, na narehistro noong 2017 pababa.
Maliban sa mga motorsiklong may MV file sa National Capital Region, magiging bukas na rin ang programa para sa mga motorsiklo mula sa iba pang rehiyon, basta’t updated ang kanilang rehistro.
Mga Requirements:
• Photocopy ng OR/CR (Official Receipt at Certificate of Registration)
• Authorization letter at valid ID kung hindi makakapunta ang rehistradong may-ari
• Photocopy ng Deed of Sale kung second owner
• Valid IDs ng vendor at vendee
Ang mga interesadong aplikante ay maaaring magparehistro sa pamamagitan ng QR code na nakalagay sa larawan.
Para naman sa mga nakapagparehistro na, maghintay lamang ng kumpirmasyon mula sa Traffic and Parking Management Office (TPMO) at LTO San Juan District Office.
Maraming salamat po!
For more Information: https://www.facebook.com/MayorFrancisZamora/posts/pfbid02WeHbmxgXoPPQX4vuuyg8pWfQkbxHfpk8RG5N2tVA1qyrTmTDCgrRPHv15dkVHobQl